Comezamos hoxe en “Asfalto e arrós” un novo espazo dedicado a un dos
elementos máis importantes da bicicleta, particularmente no mundo do mountain
bike: as cubertas (cubiertas, indistintamente) ou neumáticos. Prescindindo de distincións
máis propias doutras análises (aro ríxido, plegables, compostos, tubeless,
etc.), dedicaremos estas liñas a deixar unha sucinta análise de cada neumático
ó que lle elaboremos a súa entrada coa intención de que á hora de presentarte
na túa tenda habitual teñas xa unha lixeira idea do que queres para a túa
“burra” ou para que, cando vaias a esa macrotenda chea de neumáticos de todo
tipo e cores, non te sintas asoballado nin te perdas á hora de atopar o que realmente
queres. Ó mesmo tempo deixarémosvos as nosas impresións
de cada un deles e, coma sempre e como é idiosincrasia neste blog, quedamos
abertos ás vosas opinións. Intentaremos dar unha estructura homoxénea a estas
entradas, para facilitar as comparativas.
Comezamos, entón, cun neumático mítico dunha marca mítica: Maxxis Larssen TT.
Abandeirado dos neumáticos rodadores, con defensores e detractores, o feito é
que estamos ante un dos neumáticos de uso máis extendido, ata o punto de que o
chamado a ser herdeiro do seu éxito, o MAXXIS Crossmark, ainda non conseguíu
superar nin as súas expectativas nin as súas ventas e, moito menos, sustituilo.
QUÉ NOS VENDEN. MAXXIS descríbeo deste xeito “El TT es óptimo para
un gran número de terrenos y condiciones, por lo cual es la banda de rodamiento
favorita de varios de nuestros corredores profesionales duales. El TT se agarra
muy bien debido a que cada pequeño taco cuadrado en el dibujo de la banda de
rodamiento se encuentra inclinado para rodar fácilmente aunque posee
separaciones pequeñas de modo que mayor cantidad de manijas haga contacto con
el piso. Por lo tanto, el parche de contacto es eficaz en una amplia variedad
de superficies. La tecnología de manija inclinada en el borde de ataque, junto
con la poca separación, permite que las pequeñas manijas cuadradas rueden
rápido. Los bordes de fuga permiten tener una capacidad de escalado y frenado
en terrenos difíciles a medios. Baja resistencia a la rodadura”.
VENTAXAS. A nota esencial que define esta cubierta é precisamente a que lle
dá a fama: a súa capacidade de rodadura. A súa aglomeración no taqueado así
coma o deseño inclinado dos tacos centrais fan que a sensación de lastre sexa
ínfima. Cunha notable adherencia lateral, a sensación de velocidade é realmente
notable, feito que, unido á boa factura dos productos de Maxxis, fai que sexa
especialmente apto para modalidades coma o cross country (XC) e similares.
Excepcional en terreo seco e como neumático traseiro, sobre todo se atendemos á
súa durabilidade, algo que pode facer que te decantes por él. Non é
excesivamente pesado en ningunha das súas versións e, ademáis, ten uns flancos
resistentes, detalle que resulta de agrado se temos presente a posibilidade dos
inoportunos trillazos.
INCONVENIENTES. Moi deficitario como neumático dianteiro. Ainda que MAXXIS
non o recoñeza, e ainda que nada impida facer xusto o contrario, é evidente que
estamos ante unha cubierta destinada á parte de atrás da nosa bicicleta se o
que queremos é exprimir as súas características. Obviamente as taras deste
neumático son deudoras das súas ventaxas. A súa gran capacidade rodadora, polo
denso número de tacos central e a morfoloxía de cada un, fan que o agarre en
frenada sexa moito menor, polo que hai que ter especial ollo á hora de
controlar as distancias. Ademáis, a aglomeración dos tacos fai que a nada de
húmedo que estea a superficie a terra e a area se adhiran a el facilmente nos
espazos entre os tacos, tardando bastante en evacuar, limitando en maior medida
o seu agarre. Igualmente en subidas pronunciadas, nas que pedras e raíces
húmidas, que calzando este neumático
poñerán a proba a túa técnica xa que te obligarán a afinar os puntos de pasada
e a acometelas polo punto máis axeitado dada a nula capacidade para “morder” do
Larssen.
RIVAIS DIRECTOS. MAXXIS Crossmark, KENDA Small Block Eight, HUTCHINSON
Cobra, SCHWALBE Furious Fred.
CONSELLO. A sensación é semellante á que proporciona rodar cunha cubierta desgastada polo que ¡precaución co Larssen, amigo biker! Por certo, se mercades este neumático sen velo físicamente (vía internet ou
por medio doutra persoa), ou incluso adquiríndoo directamente, tede presente
que MAXXIS “talla” moito menos no ancho das súas cubiertas para a mountain
bike, polo que se tiñades unha medida en mente para “traducilo” a esta marca e,
en consecuencia, ter unha roda que presente a mesma anchura será aconsellable
que incrementedes en dous ou tres puntos o ancho que tiñades premeditado. Técnicamente,
tedes que fixarvos código ETRTO (ó que lle dedicaremos a súa entrada no seu
día) ese numeriño de dúas cifras que aparece ó carón da medida da roda (por
exemplo, 52-559) xa que ese número fai referencia ó globo da roda ou diámetro
tubular, polo que é o máis axeitado para saber canto de ancho pode ter e así
poder comparalo co sustituido.
